35 të vdekur pas shirave rekord në jug të vendit

Të paktën 35 persona kanë vdekur pas shirave të rrëmbyer dhe stuhive që goditën jugun e Kinës këtë javë, njoftoi sot media shtetërore e vendit.

”Provinca Guizhou njoftoi vdekjen e 11 personave sot”, tha agjencia shtetërore kineze e lajmeve, Hsinhua.

Pesë persona vdiqën nga rrëshqitja e tokës dhe katër të tjerë u mbytën në provincën juglindore të Fujianit.

Vdekje u raportuan edhe në Hunan, Guangdong dhe Guangxi.

”Trembëdhjetë persona rezultojnë të zhdukur”, shtoi Hsinhua-ja.

”Shirat e ditëve të fundit kanë thyer të gjitha rekordet e 40 viteve deri në 75 për qind më shumë”, tha Qendra Meteorologjike e Kinës.