70 vjet nga çlirimi i Tiranës politika sërish e ndarë në festime

November 17, 2014

1 1 minute read

70-vjetori i Çlirimit të Tiranës është përkujtuar sot tek “Ushtari i Panjohur”, ku zhvilluan homazhe Kryeministri Edi Rama, Kryetari i Kuvendit Ilir Meta, ministra të kabinetit qeveritar, deputetë etj.

Kryeministri Rama, kreu i Kuvendit Ilir Meta dhe ministra të kabinetit qeveritar vendosën kurora me lule tek “Ushtari i Panjohur” në qendër të kryeqytetit.

Ndërkohë, Bashkia e Tiranës zhvilloi homazhe tek “Dëshmorët e Kombit” pranë Monumentit “Nënë Shqipëri”. Kryetari i Bashkisë së Tiranës Lulzim Basha, njëherësh lideri i opozitës nuk mori pjesë në përkujtimin e 70-vjetorit të Çlirimit të Tiranës, pasi ndodhet në Bruksel, ku merr pjesë në punimet asamblesë politike të Partive Popullore Europiane.

Perkujtohet 17 Nentori ne Tirane (2)Foto Flor Abazaj — Perkujtohet 17 Nentori ne Tirane

Lufta për çlirimin e Tiranës u zhvillua në fund të tetorit deri më 17 nëntor të vitit 1944 dhe shënon aktin më të rëndësishëm politik e ushtarak pasi kurorëzoi fitoren e Luftës Antifashiste Nacionalçlirimtare. Lufta për çlirimin e Tiranës ishte operacioni më i madh i shkallës operativo-strategjike i zhvilluar nga shqiptarët për çlirimin e qyteteve.

Tirana u shpall kryeqytet i përkohshëm i Shqipërisë në 9 shkurt 1920 nga Kongresi i Lushnjës, ndërsa vendimi përfundimtar u mor në vitin 1925 nga Asambleja Kushtetuese.

Foto :

70 vjet nga Çlirimi i Tiranës, kurora me lule tek “Ushtari i Panjohur”