Amerika

Konventa republikane, Donald Trump “gjysmëpresident” i SHBA-ve. Reagon Clinton

Donald Trump vulosi nominimin republikan për Presidencën amerikane në fundin e një fushate të shenjuar nga polemikat, që përçau spektrin politik të Amerikës.

Nga dita e dytë e Konventës republikane në Cleveland të Ohios, miliarderi doli si përfaqësuesi zyrtar i partisë së tij në zgjedhjet e nëntorit. “Ta bëjmë Amerikën të funksionojë sërish”, ishte motoja e mbrëmjes.

Vendimtare në arritjen e numrit të 1.237 delegatëve të nevojshëm rezultoi vendlindja e tij, Nju Jorku.

“Është diçka, të cilën nuk do ta harroj kurrë. Së bashku, ne arritëm një rezultat historik me totalin më të madh të votës në historinë e Partisë Republikane. Kjo është një lëvizje, por duhet t’i shkojmë kësaj rruge deri në fund”, tha Trump.

Të gjitha forcat anti-Trump në sallë shpresuan deri në momentin e fundit për një mrekulli, e u përpoqën t’i bindnin delegatët të ndryshonin mendim, por pa rezultat. Shumë amerikanë i janë kundërvënë ngritjes së manjatit në politikën vendase, të nxitur edhe nga deklaratat e tij të diskutueshme mbi emigrantët meksikanë, apo ndalimin e hyrjes së myslimanëve në Shtetet e Bashkuara.

Të tjerë, megjithatë, shohin te miliarderi njujorkez një figurë jashtë kornizave të zakonshme të politikës, i cili përcjell një lloj sinqeriteti në vrazhdësinë e vet, e thotë atë që mendon. Rrugëtimi politik i Trumpit nisi 13 muaj më parë dhe, gjatë kësaj periudhe, biznesmeni miliarder arriti të mundë 16 rivalë.

Kundërshtarja e tij demokrate, Hillary Clinton reagoi menjëherë në Twitter, duke shkruar: “Donald Trump sapo është bërë i emëruari i Partisë Republikane. Ndihmoni tani, që ai të mos hyjë kurrë në Shtëpinë e Bardhë”.

Related Articles

Leave a Reply

Your email address will not be published. Required fields are marked *

Back to top button