Maqedonia

Maqedoni, arrihet marrëveshja për daljen nga kriza

Pas një ngërçi politik që zgjaste prej muajsh, partitë politike në Maqedoni u dakorduan mbi një marrëveshje për daljen nga kriza.

Sipas ujdisë së arritur mes 4 partive kryesore, deri në 31 gusht duhet të përcaktohet data e zgjedhjeve të parakohshme parlamentare, që do të organiozohen nga qeveria kalimtare e formuar 100 ditë para mbajtjes së tyre.

Në takim morën pjesë përfaqësuesi i delegacionit të BE-së në Shkup, Tiborg Barodi, Artan Grubi i BDI-së, Imer Aliu i PDSH-së, Nikolla Todorov i VMRO-DPMN-së dhe Radmilla Shekerinska e LSDM-së.

Mes pikave të parashtruara në marrëveshje janë pastrimi i listës zgjedhore dhe rregullimi i sferës së mediave, ku brenda 15 ditëve pas firmosjes së marrëveshjes duhet të zbatohet ligji për shërbime audiovizuale.

Po ashtu, marrëveshja parasheh tërheqjen e ligjit për Ministrinë e Punëve të Brendshme. Palët janë dakorduar që Ministri i Brendshëm të jetë shqiptar.

Related Articles

Leave a Reply

Your email address will not be published. Required fields are marked *

Back to top button