Home / Kronika / Dy të vrarë dhe një i plagosur në Vlorë, sherri në një pikë bastesh

Dy të vrarë dhe një i plagosur në Vlorë, sherri në një pikë bastesh

Dy persona u vranë mbrëmjen e së dielës dhe një i tretë është plagosur dhe është në gjendje kritike në Spitalin e Vlorës.

Ngjarja ka ndodhur në një pikë bastesh afër Spitalit të Vlorës, kur pas një sherri mes disa personash është dëgjuar një breshëri e gjatë automatiku.

Tre personat kanë marrë shumë plumba në trup, duke iu marrë jetën në vend dy prej tyre. Nga policia bëhet e ditur se një prej viktimave është pronari i pikës së basteve, shtetasi I.D. rreth 45 vjeç, ndërsa viktima tjetër është shtetasi me inicialet Dh.C rreth 60 vjeç.

Policia gjeti në vendin e ngjarjes personin e tretë të plagosur si dhe një sasi shumë të madhe gëzhojash të një arme automatike kallashnikov.

Forca të shumta policore kanë mbërritur menjëherë në vendin e ngjarjes dhe po punojnë për identifikimin dhe kapjen e autorëve të kësaj ngjatje të rëndë.

Leave a Reply

Your email address will not be published.