Lidhjet e reja, ERE: Çfarë duhet për të aplikuar
Enti Rregulaltor i Energjisë (ERE) ka miratuar së fundmi rregulloren për lidhjet e reja në sistemin e shpërndarjes dhe po e diskuton atë me grupet e interesit.
Rregullorja përcakton të gjitha kriteret dhe proçedurat që duhet të plotësojnë personat (subjektet e biznesit ) që aplikojnë, ndër të cilat janë këto dokumenta:
1. Kërkesë për lidhje në rrjetin e shpërndarjes,
2. Fotokopje e vërtetimit të identitetit
3. Çertifikatë regjistrimi në QKB (kur është biznes)
4. Gen-Plan i vendosjes së objektit
5. Hartë që të tregojë vendndodhjen e objektit në terren në një shkallë të përshtatshme
6. Profilin gjatësor të linjës elektrike dhe të gjitha detajet e tjera teknike që lidhen me të.
7. Projektin e plotë të nyjes që do të lidhet objekti i ri në rrjetin e shpërndarjes
8. Kopje e licencës së inxhinierit elektrik që ka kryer projektimin
9. Kopje e kontratës së kartelës së mëparshme që aplikanti mund të ketë pasur
10. Kontrata e koncensionit për ndërtimin e burimit gjenerues
11. Llojin e burimit gjenerues dhe parametrat nominale të tij
12. Fuqia maksimale e gjeneruar aktive dhe reactive
13. Skema principale e brendshme e burimit gjenerues me të gjitha detajet teknike
14. Tipi i gjeneratorit sinkron dhe parametrat e tij
15. Parametrat kryesorë të transformatorit të fuqisë
Lidhur me tarifën e lidhjes së re, pothuajse gjithçka do të paguhet nga aplikanti, duke nisur nga procedura e vlerësimit të situatës në terren nga ana e Operatorit të Sistemit të Shpërndarjes.
