Gjiknuri: Me rezultatin në Dibër, PD vulosi humbjen në 2017
Ministri i Energjitikës, Damian Gjiknuri, deklaroi të enjten në Kuvend se Partia Socialiste u shpall fituese në Dibër, pasi ajo gjeti njeriun dhe kandidatin e duhur për këto zgjedhje.
Në cilësinë e koordinatorit të PS-së për qarkun e Dibrës, Gjiknuri analizoi procesin zgjedhor të 11 shtatorit, duke theksuar se maxhoranca hyri në fushatë e bashkuar dhe gjeti njeriun dhe qytetarin e duhur,
ndërsa ju (opozita) sollët Sherefedinin, pasi kishit sherre në parti.
“Ju nuk kishit kandidatë, por gjithashtu vota e dibranëve ishte një reagim dhe ndaj politikës që PD ka ndjekur ndaj Dibrës. Ata (dibranët) votuan djalin e tyre, të bindur se po bënin zgjedhjen e duhur. Justifikimet tuaja janë të pavlera”, iu drejtua Gjiknuri deputetëve të PD-së në sallën e Kuvendit. Me rezultatin në këto zgjedhje ju vulosët humbjen në zgjedhjet e 2017-s, shtoi ai.
Sipas Gjiknurit, fushatën në Dibër PD e kishte lexuar si “një ekskursion elektoral” dhe kishte përgatitur edhe spaletat për fitoren që e priste, por shtoi ai, doktorin (kandidati socialist), dibranet e njihnin shumë mire, pasi i kishte shërbyer per rreth 20 vjet banoreve te asaj zone.
