Teknologji

Gjobiten prodhuesit e lodrave

Tre prodhues të famshëm lodrash dhe një televizon për fëmijë janë penalizuar pasi grumbullonin të dhëna për të miturit që vizitonin uebsajtet e tyre.

Prokurori i përgjithshëm i Nju Jorkut bëri të ditur se 4 kompanitë e përfshira kishin rënë dakord të paguanin një gjobë prej 835 mijë dollarësh.

SHBA ndalon faqet online që i drejtohen grupmoshës nën 13-vjeç të mbledhin informacione personale për ta pa lejen e prindërve të tyre. Ndërkohë vazhdon hetimi për uebfaqet e tjera.

“Tani fëmijët jetojnë online dhe ne duhet të mbajmë nën kontroll internetin në të njëjtën mënyrë siç patrullojmë rrugët”, ishin fjalët e Eric Schneiderman, i cili shtoi se asnjë fëmijë nuk do të kishte një dosje e cila më vonë do të mund të përdorej për t’i mashtruar ata.

Kompanitë e përfshira janë, “Matel”, “Viacom”, “Hasbro” dhe “Jumpstar”.

Firmat kanë pranuar të nënshkruajnë marrëveshje për të skanuar uebfaqet e tyre për teknologji të grumbullimit të të dhënave në të ardhmen, për shmangien e përsëritjes së praktikave të paligjshme.

Related Articles

Leave a Reply

Your email address will not be published. Required fields are marked *

Back to top button