Amerika

Trump: T’u hiqen armët truprojave të Clinton

Kandidati republikan për president të SHBA, Donald Trump po përballet me një valë kritikash pasi ka bërë për herë të dytë një deklaratë që sugjeron vrasjen e rivales së tij demokrate, Hillary Clinton.

Në takimin elektoral të radhës, Trump sugjeroi se, agjentët e sigurisë të zonjës Clinton duhet të dorëzojnë armët dhe “të shohin se çfarë mund t’i ndodhë asaj”.

Ai u tha mbështetësve të tij se rivalja demokrate synon të “shkatërrojë amendamentin e dytë”, që është e drejta për të zotëruar armë.

“Mendoj se truprojat e saj duhet të dorëzojnë armët. Ata duhet të çarmatosen, apo jo? Le t’i heqin armët meqenëse ajo nuk i do dhe të shohin ç’do t’i ndodhë asaj”, tha Trump në një takim të mbajtur në Majemi.

Stafi i zonjës Clinton e ka akuzuar miliarderin për nxitjen e dhunës. “Qoftë kjo një thirrje për të provokuar protestuesit në një miting, apo një shaka, është sidoqoftë e papranueshme kur thuhet nga dikush që synon të marrë postin e presidentit”, deklaroi zëdhënësi Robby Mook.

Related Articles

Leave a Reply

Your email address will not be published. Required fields are marked *

Back to top button