Prokuroria e BeH-së i dërgon ftesë për ta marrë në pyetje presidentin e RS, Dodik
Presidenti i Republikës Sërpska, Milorad Dodik është ftuar si i dyshuar në rastin në lidhje me mbajtjen e referendumit të djeshëm për Ditën e RS në këtë entitet të Bosnjë e Hercegovinës (BeH).
Siç është konfirmuar për AA nga Prokuroria e BeH-së për momentin ftesa për t’u marrë në pyetje i është dërguar vetëm Presidentit të RS Millorad Dodik në lidhje me aktivitetet në rastin lidhur me moszbatimin e vendimeve të Gjykatës Kushtetuese.
Nga zyra e presidentit të RS Millorad Dodik thonë se nuk janë të informuar për dërgimin e ftesës. Presidenti i RS Milorad Dodik sot është në Beograd.
Prokuroria e BeH-së sot njoftoi se është duke mbledhur dokumente të caktuara në lidhje me aktivitetet rreth moszbatimit të vendimit të Gjykatës Kushtetuese dhe se persona të caktuar do të merren në pyetje.
