Deputetja shqiptare, e prerë në Kuvendin e Maqedonisë: Këtu flas shqip!

Kaltrina Azizi, deputetja e BDI-së nga Kumanova pa asnjë hezitim e ka nisur fjalën duke thënë se do të flasë shqip, shkruan Infopress.

Fjalën e ka mbajtur në Komisionin për sistem politik në kuvendin republikan në debatin që zhvillohej mbi Prokurorinë speciale.

Ajo iu përgjigj kolegëve të saj nga VMRO, të cilët kishin provokuar lidhur me përgjimet, për të cilat kishin hedhur akuza edhe ndaj zyrtarëve në Kosovë, e duke përmendur edhe gjuhën shqipe, e vënë dilema nëse është zyrtare apo jo.