Kronika

Llalla reagon për prokurorin e korruptuar, një falenderim për median dhe apel për qytetarët

Prokuroria për Krime të Rënda nis hetimet pas pamjeve të emisionit “Stop” ku shihet oficeri i policisë gjyqësore, Fatos Lushi teksa i marr një qytetari 18 mijë euro në emër të prokurorit Ardian Braho.

Prokuroriaka nisur menjeherë hetimin për veprën penale të korrupsionit pasiv të “gjyqtarëve, prokurorëve dhe funksionarëve të tjerë të drejtësisë”.

Prokurori i Përgjithshëm, Adriatik Llalla ka urdhëruar pezullimin nga detyra të prokurorit të Prokurorisë së Rrethit Gjyqësor Tiranë, Ardian Braho, që kishte nën hetim një rast, për të cilin oficeri i Policisë Gjyqësore, Fatos Lushi, shfaqet në pamje televizive duke marrë shumën prej 18.000 eurove nga një qytetar që kishte një çështje në hetim pranë Prokurorisë së Tiranës.

“Ndërkohë që po vijojnë veprimet e nevojshme proceduriale nga ana e Prokurorisë për Krime të Rënda, Prokuroria e Përgjithshme shpreh vlerësimin për angazhimin e emisionit “Stop”, si edhe të medias në përgjithësi, për denoncimin e rasteve korruptive në sistemin e drejtësisë dhe brenda radhëve të Prokurorisë në veçanti.

Prokuroria e Përgjithshme nxit çdo medium dhe çdo qytetar që të denoncojë rastet e korrupsionit në drejtësi, duke dhënë në këtë mënyrë ndihmesën për përmirësimin e mëtejshëm të dhënies së drejtësisë në Shqipëri”, thuhet në një njoftim zyrtar të Prokurorisë së Përgjithshme.

Related Articles

Nje koment

  1. Llalla para drejtesise per shfrytezim te postit zyrtar ne favor te fashizmit te sali berisha,per vjedhje,korrupsion masiv,krime te renda kunder popullit shqipetar dhe per dhunim te drejtave te popullit shqipetar.NATO te vije ne Tirane per te bombarduar gjykaten Kushtetutese,sali Berishen lulezim bashen dhe deputetet e PD fashiste.

Leave a Reply

Your email address will not be published. Required fields are marked *

Back to top button