Presidenti Erdoğan bisedë telefonike me Kancelaren Merkel në lidhje me operacionin “Mburoja e Eufratit”
Presidenti turk Recep Tayyip Erdoğan në një bisedë telefonike me kancelaren gjermane Angela Merkel i ka dhënë informacione në lidhje me operacionin “Mburoja e Eufratit”.
Sipas informacioneve të marra nga burimet presidenciale theksohet se në bisedën telefonike mes Erdoğan dhe Merkel janë diskutuar në përgjithësi zhvillimet e fundit në Siri.
Mes Erdoğan dhe Merkel thuhet se janë shkëmbyer pikëpamjet për zhvillimet në Siri kryesisht për përkeqësimin e situatës në Halep dhe përreth tij si dhe çështjet për luftën kundër terrorizmit.
Gjithashtu bëhet e ditur se Erdoğan gjatë bisedës i ka dhënë informacione Merkel-it rreth operacionit “Mburoja e Eufratit”.
Ndër të tjera në bisedën mes Erdoğan dhe Merkel vihet në dukje se dy liderët janë përqendruar mbi rëndësinë e përpjekjeve për të vënë në veprim sërish marrëveshjen në lidhje me ndalimin e konflikteve në Siri.
