Kosova

Gjykata Kushtetuese publikon Aktgjykimin lidhur me seancën konstituive të Kuvendit

Kushtetuese-seanca-Gjykata Kushtetuese e Kosovës publikoi sot në faqen zyrtare të saj, tekstin e plotë të Aktgjykimit lidhur me vlerësimin e kushtetutshmërisë së vendimit për zgjedhjen e Kryetarit të Kuvendit të Republikës së Kosovës, të votuar nga 83 deputetë të Kuvendit, në 17 korrik 2014.

Në Aktgjykimin 42 faqesh, mes tjerash thuhet se, “seanca konstituive e Kuvendit, që ka filluar më 17 korrik 2014, nuk është realizuar plotësisht, konkretisht nuk janë zgjedhur Kryetari dhe nënkryetarët e Kuvendit. Rrjedhimisht, Kuvendi duhet ta përfundojë seancën konstituive duke zgjedhur Kryetarin dhe nënkryetarët në pajtim me nenin 67 (2) në lidhje me nenin 64 (1) të Kushtetutës dhe me Kreun III të Rregullores së punës që zbaton këto nene dhe në pajtim me këtë Aktgjykim”.

Kryesuesja e seancës konstituive të Kuvendit të Kosovës në 17 korrik, deputetja Flora Brovina, deklaroi dje për mediat se “pret në fillim të kësaj jave aktgjykimin e plotë nga Gjykata Kushtetuese dhe menjëherë më pas do të fillojë konsultimet për vazhdimin e seancës, që pritet javën e parë të shtatorit”.

Related Articles

Leave a Reply

Your email address will not be published. Required fields are marked *

Back to top button