Home / Politika / Brukseli i përgjigjet Nishanit: Mbështesim PAMECA-n. Raportet e saj, jo për diskutim publik

Brukseli i përgjigjet Nishanit: Mbështesim PAMECA-n. Raportet e saj, jo për diskutim publik

Raporti i misionit PAMECA, që vinte në dukje mangësitë e punës së prokurorisë për disa çështje delikate, nuk është më vetëm një çështje e brendshme. Vetë prokuroria heshti pas publikimit nga media të raportit kritik, por jo Presidenti Bujar Nishani, i cili e quajti qëndrimin e PAMECA-s të papranueshëm.

“PAMECA ka dalë jashtë statusit të parashikuar për këtë mision për të cilën ajo ka ardhur në Shqipëri dhe duke dalë jashtë statusit ajo ka shkelur marrëveshjen me shtetin shqiptar. Ndaj, unë mendoj që kjo është një çështje që i takon tashmë trajtimit të autoriteteve që kanë mbikqyrjen dhe monitorimin e misionit të PAMECA-s në Bashkimin Europian”, tha Nishani.

Por, Komisioni Europian nuk e ka mirëpritur dhe as nuk e ka mbështetur këtë qëndrim të Presidentit. Në një komunikim me Top Channel, zëdhënësja e Komisionit Europian nuk pranoi të komentojë përmbajtjen e raportit të PAMECA-s, si një dokument i papublikuar zyrtarisht, por qëndrimi i Brukselit ishte qartësisht në mbështetje të punës së misionit PAMECA IV.

“PAMECA IV siguron mbështetje teknike dhe këshillim ligjor për Ministrinë e Brendshme, Policinë e Shtetit, Zyrën e Prokurorit të Përgjithshëm dhe agjensive të tjera ligjzbatuese. Raportet dhe analizat e PAMECA-s nuk janë për diskutim publik, por ato përfaqësojnë këshilla drejtuar institucioneve ligjzbatuese në këtë sektor”, tha zëdhënësja.

Ndryshe nga ato që Presidenti i quan shantazhe ndaj prokurorisë dhe  debate të pavlefshme, Komisioni Europian beson se “PAMECA ka ndërtuar bashkëpunim dhe dialog shumë të mirë me institucionet përfituese në Shqipëri”, përfshirë prokurorinë, “duke mbështetur përpjekjet e tyre në luftën kundër krimit të organizuar dhe korrupsionit”.

One comment

  1. Cfare pritet ne Tirane? SHBA BE te sjelle urgjentisht NATO ne Tirane dhe te bombardohen familjet e nipit te hajdutit Ahmet Zogu,Nexhmije hoxha,Fatos Nano Ilir Meta,Sali Berisha,Lulezim Basha Bujar Nishani,jozefina topalliNokes Palokes dhe plehrat e PD qe duan te varrosin popullin shqipetar.Ushtria dhe policia ne tirane ta beje urgjentisht qe te shpetohet populli shqipetar.Hajduteria nuk e do reformen ne drejtesi.

Leave a Reply to petro Cancel reply

Your email address will not be published.