Kronika

Kthehet në atdhe kontigjenti paqeruajtës “Eagle-8”

Misioni-Eagle-8-4-525x350Trupat e Kontigjentit Paqeruajtës “Eagle-8″, që shërbyen me mision në Afganistan
janë kthyer në Atdhe. Me këtë rast, në mjediset e Batalionit të Forcave Speciale në Zall-Herr u zhvillua sot ceremonia e pritjes, ku ishin të pranishëm ministrja e Mbrojtjes, Mimi Kodheli, shefi i Shtabit të Përgjithshëm të FA-së, gjen/major Jeronim Bazo, ambasadori amerikan, Aleksandër Arvizu, etj.
Në fjalën e saj përshëndetëse ministrja e Mbrojtjes, Mimi Kodheli tha se misioni i tetë luftarak i paqeruajtësve shqiptarë përmbyll me sukses angazhimin tonë me forca luftimi në misionin ISAF. “Rajoni i veprimeve të “Eagle-8″ është vlerësuar si kështjella e aktiviteteve terroriste në jug të Afganistanit, ku forcat talebane kanë qenë gjithmonë prezente dhe shumë aktive”, tha ministrja.
Duke vënë në dukje kontributin e trupave shqiptare në misionin luftarak “Eagle-1″ nga viti 2010, Kodheli falënderoi SHBA-në për mbështetjen e këtij misioni”. Ministrja Kodheli nënvizoi se Shqipëria do të vazhdojmë të qëndrojë në Afganistan, përkrah aleatëve, duke kontribuar gjithmonë me vetëmohim dhe profesionalizëm.

Ministrja e Mbrojtjes, Mimi Kodheli ne ceremonine e pritjes te 'Eagle 8'

Ministrja e Mbrojtjes, Mimi Kodheli ne ceremonine e pritjes te ‘Eagle 8′

Në fund të fjalës së saj, ministrja e Mbrojtjes u ndal dhe tek kapiten Feti Vogli, i cili humbi jetën në krye të detyrës në misionin paqeruajtës në Afganistan, dy vjet më parë. “Do të doja të kujtonim së bashku vëllain, shokun, bashkëluftëtarin tuaj, kapiten Feti Vogli. Tek ai gjeni shembullin më të mirë për karrierat dhe jetën tuaj”, iu drejtua Kodheli paqeruajtësve.
Ndërsa ambasadori amerikan Arvizu theksoi se SHBA-të vlerësojnë kontributin dhe sakrificën e ushtarakëve shqiptarë, si dhe lidershipin civil e ushtarak, që me urtësi po drejtojnë në bashkëpunim të ngushtë me SHBA dhe aletatët e tjerë.

Related Articles

Leave a Reply

Your email address will not be published. Required fields are marked *

Back to top button