Sociale

Rama: Arsimi profesional të jetë zgjedhje, jo opsion i dytë

Kryeministri Edi Rama ka marr pjesë në tryezën “Arsimi profesional, sfidat dhe cilësia”, ku është shprehur se arsimi profesional është një mundësi për më të mirët, duke përmendur suksesin e modelit gjerman në këtë fushë, me vetëdije se reforma ka nisur me vonesë.

“Duke u mbështetur mbi modelin gjerman, me vetëdije që ne gjerman nuk bëhemi kurrë që të mos ngatërohet ndonjëri nga iluzioni se unë e kam këtë optimizëm. Ne kemi arritur që të realizojmë një kthesë shumë të rëndësishme në një rrugë që mbetet shumë e gjatë. Nëse arsimi profesional nuk do ishte braktisur 25 vite më parë sot në të gjitha ndërmarrjet nuk do kishte vende të lira pune që nuk mbushen dot për shkak të mungesës së krahut të kualifikuar të punës”, tha Rama.

Ai tha se arsimi profesional nuk duhet konsideruar si një opsion i fundit, por një alternativë e mirë arsimimi. “Diversifikimi i zgjedhjeve mes universitetit dhe arsimit profesional të bëhet ende më i natyrshëm, se ne sot jemi në debatin më qesharak që një shoqëri mund të bëjë. Jemi në debatin që a duhet apo jo që një ngelës të bëhet jurist”, tha Rama.

Ndërsa ministri i Mirëqënies Sociale dhe Rinisë, Blendi Klosi tha se vizioni i qeverisë është të kemi një klasë të mesme ekonomike që jeton me punë të denjë dhe arsimi profesional të jetëhapi i parë drejt një ekonomie të qëndrueshme.

Related Articles

Leave a Reply

Your email address will not be published. Required fields are marked *

Back to top button