Ekonomia

Porti i Durrësit, në 2016-ën numri i kroçierave u rrit me rreth 65%

Numri i përgjithshëm i turistëve që kanë mbërritur në Durrës me kroçera që nga fillimi i këtij viti arrin në 13.416 gjithsej.
Autoriteti Portual Durrës bën të ditur se që nga 26 marsi, kur u ankorua kroçera e parë deri më 6 nëntor 2016, në portin më të madh të vendit u ankoruan 23 kroçera dhe anije veliere, ndërsa më 19 nëntor pritet të mbërrijë kroçera “Albatros”, e fundit për këtë vit.

Turet 10-15 ditore të kroçerave përfshijnë shumë prej qyteteve – porte të Mesdheut, kryesisht të Adriatikut dhe Jonit. Ndërkaq gjatë qëndrimit prej 8- 10 orë në vendin tonë turistët vizitojnë qytetet e Durrësit, Krujës, Beratit dhe
Tiranës.

Shifrat e turistëve me kroçera gjatë këtij viti janë afro 65 përqind më të larta se sa ato që u regjistruan gjatë vitit 2015. Velieri “Sea Cloud” ka sjellë numrin më të vogël të turistëve, 59 gjithsej, ndërsa në pesë raste të tjera
kroçerat kanë sjellë mbi 1,200 udhëtarë.

Related Articles

Leave a Reply

Your email address will not be published. Required fields are marked *

Back to top button