Nuk është besimtare por pretendon se ka zbuluar engjëllin mbrojtës të djalit të saj

Amerikania Natasha Rummelhoff ka tronditur rrjetet sociale me një fotografi të djalit të saj Ryker, 5 vjeç, që shfaqet i shoqëruar nga babai i tij dhe “engjëlli mbrojtës” në një mbrëmje rreth zjarrit.

Sipas “The Daily Mail”, fotoja misterioze është bërë muajin e kaluar në kopshtin e familjes. Një figurë gri në formën e dy krahëve, shfaqet pranë djaloshit.

Rummelhoff pranon se nuk është besimtare dhe nuk beson tek engjëjt. Pavarësisht kësaj, beson se ajo që shihet në foto është shpirti i babait të saj, Mike Decker.

Fotoja është bërë virale në rrjetet sociale dhe mendimet janë nga më të ndryshmet. Disa mbështesin versionin e engjëllit mbrojtës dhe disa të tjera mendojnë se bëhet fjalë për një montazh.