Qeveritare

Rama: Investime në Elbasan aq sa nuk është bërë në 20 vjet

Rama-Elbasan-608x350Kryeministri Edi Rama garantoi sot se qeveria do të investojë në Elbasan sa nuk është bërë në 20 vjet bashkë për këtë qytet.

Gjatë një vizite që po zhvillon në Elbasan në lidhje me zbatimin e programit kombëtar ‘Rilindja e Qyteteve’, Kreu i Ekzekutivit deklaroi se “ne kemi filluar nga qendrat urbane, të cilat janë lënë në harresë për shumë vite”.

“ Elbasani ka vuajtur për investime në infrastrukture. Jemi zotuar këtu dhe në shumë qendra urbane. Në Elbasan jemi zotuar se do bëjmë në Elbasan sa nuk është bërë në 20 vjet bashkë. Ne do investojmë përsëri në Elbasan. Sot vetëm krijimi i qendrës së gravitetit që do shkojë deri në rrugicën e fundit të qytetit”, nënvizoi shefi i qeverisë.

Përsa i përket ndërtimit të stadiumit në Elbasan, Rama tha se  nuk bëhet fjalë vetëm për ndeshje por dhe për zhvillim ekonomik. “Investimet shtrihen përtej bashkisë së sotme të Elbasanit. Kemi kaluar në një fazë ku investimet po bëhen me standarde dhe po insistojmë të jenë me standarde”, deklaroi më tej Kryeministri.

Ai pohoi se janë 8 kantiere në Elbasan dhe kryetari i bashkisë premton se do mbyllen brenda këtij viti.

Duke nënvizuar faktin se kemi hapur një rrugë të mbarë për të rilindur qytetin e Elbasanin, Kryeministri tha se përveç rrugëve, stadiumin, ndriçimit, gjelbërimit, Elbasani do ketë më shumë zhvillim të biznesit të vogël e të mesëm.Investimet, vlerë e shtuar në një zinxhir vlerash”.

Related Articles

Leave a Reply

Your email address will not be published. Required fields are marked *

Back to top button