Peza: Mirëpres hetimin e ILDKP, të veprojë me paanshmëri për këdo
Deputeti socialist Alfred Peza mirëpret hetimin administrativ të ILDKPI për pasurinë e tij.
Në një status në Facebook deputeti socialist thotë se inkurajon institucionin që ti shkojë deri në fund, me shpejtësi, paanësi dhe profesionalizëm hetimit.
“Mirëpres kontrollin e plotë dhe hetimin administrativ që ILDKP ka nisur sot në lidhje me pasurinë e familjes time. Inkurajoj IDKPI t’i shkojë deri në fund, me shpejtësi, paanësi dhe profesionalizëm këtij hetimi të thellë e shterues.
Nxis institucionin që me të njëjtën ndjeshmëri dhe seriozitet të hetojë këdo nga të zgjedhurit e Kuvendit të Shqipërisë, të zgjedhurit lokalë dhe persona të tjerë subjekt i hetimit nga ana e këtij institucioni, sot e në vazhdimësi, për të cilët ka patur, ka apo do të ketë indicie të njëjtë apo të ngjashme”, shkruan Peza.
