Chelsea Clinton sfidon Trumpin dhe i del në mbrojtje djalit të tij

“Barron Trump, meriton shansin që çdo fëmijë ka, të jetë fëmijë”, shkroi Chelsea Clinton, vajza e ish-kandidates presidenciale të Partisë Demokratike dhe presidentit të 42-të të SHBA-së në faqen e saj në  Facebook.

Megjithatë, përpjekja e saj për të mbrojtur të birin e Donald Trump, kundër kritikave dhe talljeve, u shndërrua në të njëjtën kohë në një mesazh politik.

“Të mbrosh çdo fëmijë do të thotë gjithashtu të kundërshtosh politikat e presidentit amerikan që dëmtojnë fëmijët”, vazhdoi mesazhi.

Ndërsa shumica e përdoruesve e morën këtë mesazh si një mbështetje ndaj fëmijëve, disa e akuzuan se shfrytëzoi rastin për të kritikuar politikën e presidentit aktual të vendit.

Barron Trump u bë objekt i talljeve mizore pas inaugurimit të babait të tij.