Vrasja makabre e dy të moshuarave, policia: Në banesë janë grabitur 2 mln lekë
Policia e Durrësit ka vërtetuar pistën e grabitjes pas ngjarjes së rëndë të ndodhur ditën e djeshme në qytetin bregdetar, ku dy të moshuara, kunata me njëra-tjetrën u gjetën të vrara në mënyrë makabre, pasi ishin mbytur dhe më pas lidhur duar e këmbë me çarçafë.
Nga të dhënat më të fundit hetimore lidhur me ngjarjen rezulton se nga banesa dykatëshe ku jetonin viktimat janë grabitur 2 mln lekë të vjetra. Policia ka shoqëruar deri më tani 26 persona lidhur me këtë krim makabër ku përfshihen edhe persona me precedentë penalë. Gjinovefa dhe Elsa Vava, 70 dhe 75 vjeçe u gjetën të vrara mëngjesin e djeshëm ne banesen e tyre.
Policia u përqendrua fillimisht në pistën e një konflikti familjar për çështje prone, por nga të dhënat e zbuluara së fundmi duket se ;pista më e mundshme mbetet ajo e grabitjes.
