Kronika

Donald Lu i refuzon vizën për në SHBA prokurores që heton deputetët

Një ditë para hedhjes së shortit të hapur për zgjedhjen e anëtarëve në KED, Ambasada e SHBA ka thirrur në një takim Drejtuesen e lartë të Prokurorisë së Përgjithshme, duke i revokuar vizën.

Në letrën dërguar Nishanit dhe Metës, Llalla thotë se ku është një shantazh i hapur.

Bëhet fjalë për Rovena Gashin, drejtuese e strukturës për dekriminaliziminpranë Prokurorisë së Përgjithshme.

“Ju informojmë gjithashtu se përfaqësuesi i Prokurorisë së Përgjithshme ishte kandidaturë dhe tashmë është zgjedhur si anëtar i Këshillit të Emërimeve në Drejtësi (KED). Një ditë para hedhjes së shortit nga Kuvendi i Shqipërisë për përzgjedhjen e anëtarëve të KED, për shkak të mungesës së konkurencës, kandidati i vetëm për anëtarin nga Prokuroria e Përgjithshme në këtë strukturë, thirret me urgjencë nga konsulli në Ambasadën e Shteteve të Bashkuara të Amerikës.

Prokurori gjendej në një takim të IPA 2014, Rrjetit të Prokurorëve të Ballkanit, i cili zhvillohej në Gjermani dhe u detyrua të rikthehej me urgjencë, duke vlerësuar se, për shkak të pozicionit të si Drejtor i Marrëdhënieve Juridiksionale me Jashtë, mund të ishin temë diskutimi çështje me rëndësi ndërkombëtare, përfshirë edhe terrorizmin.

Në takimin në Ambasadën Amerikane, Prokurori çuditërisht, nuk u prit nga konsulli, por nga një tjetër punonjës, i cili, pa dhënë asnjë shpjegim, i komunikoi asaj vendimin për revokimin e vizës amerikane. Fakti që Prokuroi u kërkua me urgjencë në Ambasadën Amerikane, vetëm një ditë para hedhjes së shortit për përzgjedhjen e anëtarëve të Këshillit të Emërimeve në Drejtësi, vlerësohet si një manovër aspak diplomatike, për të ushtruar shantazh ndaj përfaqësuesit të Prokurorisë, por edhe institucionit të Prokurorisë së Përgjithshme, për interesa të segmenteve të caktuara politike që synojnë kapjen e institucioneve të drejtësisë.’, thuhet në letrën drejtuar dy krerëve më të lartë të insitutcuoneve shqiptare.

Related Articles

Leave a Reply

Your email address will not be published. Required fields are marked *

Back to top button