Home / Politika / Bushati: Basha të largohet, la në harresë Tiranën

Bushati: Basha të largohet, la në harresë Tiranën

Ervin_bushati_2-491x350Lulzim Basha, tre vite më parë premtoi shumë për Tiranën, por nuk bëri asgjë. Kështu ka deklaruar Skeretari për Çështjet Ekonomike në Partinë Socialiste, Ervin Bushati, gjatë një deklarate për mediat ditën e enjte.

“Cfarë bëri në të vërtetë Lulzim Basha? Ka dhënë leje ndërtimi pa karar në çdo cep të Tiranës, duke dëmtuar rëndë gjithë mushkëritë e gjelbërta të qytetit me leje që nuk kanë të bëjnë asgjë me mjedisin duke dëmtuar të gjitha parqet e Tiranës, njësoj siç është rasti i 20-kateshit tek liqeni artificial, ashtu siç dhe do të tregojmë në ditët në vijim të tjera fakte që nuk kanë pikë lidhje me urbanistikën”, tha Bushati.

Ai theksoi se “Luli premtoi se  Tiranës i duhet një kryebashkiak që do të ishte në krye të punëve dhe jo brenda politikës. Sot po bën të kundërtën, po bën politikë në çdo cep të Tiranës dhe në kopshte dhe fillore duke folur se është i bllokuar”.

“Luli i ka harruar të gjitha premtimet e tij, si tramin, parqet, unazën e re, bulevardin, projekte që nuk i zbaton kurrë, por edhe për hapjen e vendeve të punës që nuk e bëri kurrë, edhe për uljen e taksave që nuk e bëri kurrë, ndaj është mirë të largohet nga Bashkia e Tiranës dhe të vazhdojë të merret me plakun e SHQUP”, tha Bushat.

Leave a Reply

%d bloggers like this: