Home / Rajoni / Maqedonia / Maqedoni, LSDM i propozon BDI ligjin e ri për dygjuhësinë

Maqedoni, LSDM i propozon BDI ligjin e ri për dygjuhësinë

Ligji për gjuhën shqipe duket se mbetet çeshtja e hapur mes biseduesve të Lidhjes socialdemokrate dhe partisë shqiptare BDI para marrjes së mandatit për krijimin e qeverisë. Ende nuk ka marrëveshje për zgjidhjen e kësaj çështjeje, si pika më e nxehtë për të cilën po bisedohet mes këtyre dy forcave politike, ndërkohë që pikat e tjera si prokuroria speciale, anëtarësimi në BE dhe NATO janë çështje për të cilat të gjithë bien dakord. Mediat vendase thonë se LSDM-ja ka hartuar një dokument lidhur me shndërrimin e dygjuhësisë në ligj dhe diskutimet po vazhdojnë mbi bazë të këtij dokumenti që, sipas socialdemokratëve maqedonas, respekton plotësisht platformen shqiptare. Nga ana tjetër, partitë maqedonase në Maqedoni duhet të hartojnë platformën e tyre të përbashkët në kundërpërgjigje të platfomes së partive shqiptare, deklaroi Partia Socialiste Maqedonase e drejtuar nga deputeti Ljubisha Ivanovski-Xingo. Kjo parti, e cila doli në zgjedhje si aleate e VMRO-DPMNE-se nuk saktësojnë se për çfarë kushtesh bëhet fjalë por thonë se në platformë do të përfshihen ato çështje që kanë të bëjnë me të drejtat e popullit maqedonas.

Leave a Reply

%d bloggers like this: