Marc Anthony, me të dashur 27 vite më të re

Marc Anthony duket se nuk e harxhon kohën kot, teksa është parë në shoqërinë e një modeleje 21-vjeçare.

Sipas raportimit ekskluziv të TMZ, këngëtari 48-vjeçar në fakt është lidhur me Mariana Downing, modelen e Wilhelmina Miami disa muaj para se të ndahej nga bashkëshortja e tij.

Ata janë takuar në një festë mbrëmjeje, dhe dëshmitarët thonë se ajo ra menjëherë në sy të Anthony, dhe shkëmbyen numrat e telefonit, raporton TMZ.

Ai ka telefonuar Marianën ditën tjetër dhe që atëherë ata janë bashkë. Ajo ka udhëtuar me të në spektaklet e tij, dhe kanë kaluar pushimet bashkë në Karaibe.

Divorci i Marc nga Shannon De Lima u përmbyll të hënën, por dihej që ata ishin ndarë që në nëntor.