Home / roze / Jolie flet për herë të parë për divorcin

Jolie flet për herë të parë për divorcin

Angelina Jolie ka folur për herë të parë në publik lidhur me fundin e “vështirë” të martesës së saj me Brad Pitt dhe ndikimin që pati tek gjashtë fëmijët e tyre.

Ylli i Hollivudit është në Kamboxhia bashkë me fëmijët, për promovimin e filmit të saj të ri dhe shpërthen në lot teksa pyetet për jetën e saj personale gjatë një interviste ekskluzive për BBC News.

“Nuk dua të flas shumë për këtë, përveçse të them se ishte një periudhë shumë e vështirë dhe ne jemi një familje, dhe gjithmonë do të jemi një familje”, rrëfen ajo mes emocionesh.

“Ishte shumë e vështirë. Shumë njerëz e gjejnë veten në këtë situatë. E gjithë familja ime ka kaluar atë periudhë të  vështirë”, vijon më tej aktorja 41- vjeçare.

Një betejë e hidhur mbi kujdestarinë e fëmijëve doli në media, pasi Jolie kërkoi divorcin nga Pitt në shtatorin e kaluar. Ajo fitoi kujdestarinë e plotë të fëmijëve, pasi një incidenti në avionin privat të familjes teksa ktheheshin në Los Angeles nga Franca.

Por më pas çifti i famshëm arriti një marrëveshje në janar për të nënshkruar dokumentet e kujdestarisë.

“Fokusi im janë fëmijët e mi, fëmijët tanë. Ne jemi dhe do të jemi gjithmonë një familje dhe ky është qëllimi im. Po përballem me gjetjen e mënyrës për tu siguruar se kjo na bën më të fortë dhe më të afërt”, shpjegon ajo për BBC.

Leave a Reply

%d bloggers like this: