Politika

Fleckenstein “nxjerr” sërish Bashën nga çadra

Kryetari i Partisë Demokratike Lulzim Basha ka zhvilluar sot një tjetër një takim me eurodeputetin Knut Fleckenstein.

Takimi është zhvilluar në ambientet e hotel “Sheraton” në kryeqytet.

Ky është takimi i dytë mes tyre qysh kur raportuesi për Shqipërinë në Parlamentin Europian mbërriti në Tiranë.

Në takimin e zgjatur për pak se 1 orë, mësohet të jetë diskutuar sërish për situatën politike në vend, protestën e opozitës dhe bojkotin e Kuvendit nga PD.

Edhe më herët Fleckenstein ka refuzuar të shkojë në çadrën e PD-së, qëndrim që duket e ka mbajtur edhe sot duke e detyruar liderin e opozitës shqiptare të largohet prej saj për të zhvilluar takimin në ambientet e hotel “Sheraton”.

Raporteri për Shqipërinë në PE, e ka bërë tashmë të qartë se opozita duhet të kthehet në Parlament, referuar bojkotit parlamentar që ka nisur paralelisht me protestën para kryeministrisë.

Related Articles

Leave a Reply

Your email address will not be published. Required fields are marked *

Back to top button