Tahiri: Penalizime për ata që nuk deklarojnë vendbanimet e sakta
Ministri i Brendshëm, Saimir Tahiri, ka paralajmëruar penalizime për ata që nuk deklarojnë vendbanimet e sakta brenda afatit para zgjedhjeve të 18 qershorit.
Paralajmërimi erdhi gjatë një takimi që ministri pati me Kryetarët e Bashkive dhe Prefektët, mbi përgatitjet për procesin zgjedhor.
Ministri kërkoi angazhim maksimal për lista zgjedhore të sakta, ku zgjedhësi të lidhet me vendin ku voton.
Tahiri tha se është ende në fuqi afati për ndryshimin falas të gjendjes civile dhe se pas skadimit të afatit, do të ketë penalizime.
“Kemi 2 Shqipëri paralele, një që qytetari diku banon dhe diku është regjistruar,” tha ai.
Ministri tha se janë ulur me 7 herë dublimet në listat zgjedhore.
Ministria e punëve të brendshme u delegoi një fond njësive vendore për njoftimin e zgjedhësve, derë më derë, lidhur me qendrën e votimit.
