Maqedonia

Qeveria japoneze ndau grante për gjashtë projekte në Maqedoni

Gjashtë institucione nga Maqedonia sot nënshkruan marrëveshje për grant me Qeverinë japoneze në vlerë të përgjithshme prej 368.626 euro për projekte të cilat janë të orientuara ndaj përmirësimit të jetës së qytetarëve, përcjell Telegrafi Maqedoni.

Marrëveshjet janë të dedikuara për rehabilitimin e shkollave fillore “Shën Klimenti i Ohrit” në fshatin e Strugës Drasjallca dhe “Vuk Karaxhiq” në Kumanovë, për pajisimin e Rajonit planor të Pellagonisë me mekanizëm për parandalim nga vërshimet, pajisimi i Klinikës universitare për gastroenterohepatologji me aparaturë mjekësore, pajisjim i Njësisë së zjarrfikësve në Komunën e Velesit me automjet të ri të zjarrfikësve si dhe pajisim të Spitalit të përgjithshëm Ohër me automjet të ambulancës

Mjetet janë siguruar përmes Programit “Grant ndihme për mbështetjen e projekteve të vogla – GGP, të themeluar nga Qeveria e Japonisë”.

Tojokazu Kubota, ushtrues i detyrës ambasador në Ambasadën japoneze në Shkup në nënshkrimin e sotëm të marrëveshjeve tha se kjo është shuma më e madhe në dhjetë vitet e fundit që është ndarë për GGP projekte në Maqedoni për një vit, njofton AIM.

Ky program në Maqedoni zbatohet në vitin 1996 dhe deri më tani janë realizuar mbi 100 projekte nëpër tërë shtetin me vlerë të përgjithshme prej rreth gjashtë milionë euro.

Related Articles

Leave a Reply

Your email address will not be published. Required fields are marked *

Back to top button