Home / Bota / Tensionet në kulm, Turqia kërcënon ashpër BE-në

Tensionet në kulm, Turqia kërcënon ashpër BE-në

Ministri i Jashtëm i Turqisë, Mevlut Cavusoglu, kërcënoi me anulimin e marrëveshjes që frenon fluksin e emigrantëve dhe refugjatëve në Bashkimin Evropian.

Një vit më parë, kur Evropa ishte në mes të krizës së emigrantëve, Turqia negocioi marrëveshjen për të ndaluar emigrantët e paligjshëm te kalonin në Greqi, në këmbim të përshpejtimit të integrimit të Turqisë në BE dhe të një ndihme prej gjashtë miliardë dollarësh.

Cavusoglu tha se Turqia po e rishikon marrëveshjen dhe “nëse BE nuk i përmbahet pjesës së saj”, Ankaraja do ta anulojë atë, raporton REL.

Marrëdhëniet Turqi-BE janë tensionuar ditëve të fundit, pasi disa shtete evropiane u kanë ndaluar zyrtarëve turq të bëjnë fushatë në territorin e tyre, në mbështetje të një referendumi që do të forconte pushtetin e presidentit turk, Recep Tayyip Erdogan.

Leave a Reply

Your email address will not be published.