Zgjedhjet në Kavajë, Paloka jep vendimin e PD-së
Kryetari i grupit parlamentar të PD, Edi Paloka ka reaguar pas vendimit të presidentit Nishani për të dekretuar datën e mbajtjes së zgjedhjeve për kreun e ri të Bashkisë së Kavajës.
Paloka thotë se Nishani zbatoi detyrimin kushtetues, ndërsa apelon se nuk do të ketë zgjedhje me Ramën dhe kriminelët e tij.
“Në Kavajë apo në çdo zonë tjetër nuk do ketë zgjedhje me Ramën dhe kriminelët. Vendimi ynë për bojkot është i parevokueshëm. Zgjedhje pa qeveri teknike nuk do të këtë”- ka thënë Paloka.
Kur nuk kanë kaluar as 24 orë nga zbardhja e vendimit të Gjykatës Kushtetuese për heqjen e mandatit të Elvis Rroshit, Kreu i Shtetit me dekret të posaçëm ka vendosur që qytetarët e Kavajës t’i drejtohen kutive të votimit më 7 maj.
Elvis Rroshit iu hoq mandati si kryetar i bashkisë së Kavajës në kuadër të ligjit të dekriminalizimit.
