Home / Te ndryshme / Astronauti që eci në Hënë: Pse jashtëtokësorët nuk na kanë vizituar ende

Astronauti që eci në Hënë: Pse jashtëtokësorët nuk na kanë vizituar ende

Astronauti amerikan Alan Bean, 85 vjeç, i cili është dhe një nga 12 njerëzit që ka ecur në Hënë, ka rrëfyer në një intervistë të fundit me portalin australian News.com, se nuk beson se “dikush jashtë kësaj bote ka vizituar tokën”.

Sipas Bean, një nga arsyet është se “civilizimet më të avancuara janë më miqësore dhe altruiste, – ashtu si Toka që është më e mirë seç ka qenë më parë”.

“Kemi ardhur paqësisht dhe e dimë që ju keni problemin e kancerit që po vret njerëzit” do të ishte fjalimi i jashtëtokësorëve, sipas Bean, nëse këta do të kishin kontaktuar me njerëzit.

“Ne e zgjidhëm këtë problem para 50 vjetësh dhe kjo është pajisja që duhet të instaloni tek një person për të kuruar këtë sëmundje”, vazhdon reflektimin astronauti.

Sipas Bean kjo do të ishte sjellja që duhet të kishte një qenie njerëzore me civilizimet e planetëve të  largët në të ardhmen, kur njeriu të ketë aftësinë të shkojë tek ata. “Le të themi se në 100 vjet…. ne do t’u mësojmë si të kurojnë kancerin”, thotë ai.

Megjithatë Bean është i bindur se nuk jemi vetëm në Univers. Për të, fakti që ekzistojnë mijëra miliona yje dhe planetë konfirmon ekzistencën e jetës. “Shumë nga këta planetë janë si ne para 100 mijë vjetësh dhe ndoshta ka të tjerë që janë 10 mijë vjet para nesh”.

Leave a Reply

Your email address will not be published.