Thaçi: Leximi është vendimtar për zhvillimin e burimeve tona njerëzore
Kryeministri i Kosovës, Hashim Thaçi ka vlerësuar se 8 shtatori është Dita Ndërkombëtare e avancimit të Shkrim-Leximit dhe shënimi i kësaj dite është me shumë rëndësi për Kosovën.
“8 shtatori është Dita Ndërkombëtare e avancimit të Shkrim-Leximit dhe shënimi i kësaj dite është me shumë rëndësi për Kosovën. Leximi është vendimtar për zhvillimin e burimeve tona njerëzore sepse mundëson procesin e të mësuarit, përmirëson mendimin kritik të çdo personi, shton aftësinë për të përvetësuar dhe kuptuar informacion, rrit inteligjencën emocionale dhe empatinë e qytetarëve që nëpërmjet leximit arrijnë të kuptojnë këndvështrime të njerëzve të tjerë të ndryshëm nga ata”, ka shkruar Thaçi.
Si pjesë e Misionit të Ri të ndërtimit të një ekonomie të zhvilluar të mbështetur në burime cilësore njerëzore, me të formuar qeverinë e re ai ka premtuar se do të nis hartimi i një strategjie gjithëpërfshirëse që do të synojë të ndërtojë shprehi sa më të mira të leximit dhe një konsum sa më masiv të librit në Kosovë.
