Vrasja e Agim Arapit, gjykata lë në burg vëllezërit Ekonomi

Gjykata e Durrësit ka lënë në fuqi masën e sigurisë “arrest me burg” për dy vëllezërit Kostandin dhe Kujtim Ekonomi, të cilët akuzohen për vrasjen e shtetasit Agim Arapi.

Mbrojtja pretendoi një masë shtrënguese më të butë pasi priten aktet e ekspertizës për t’u saktësuar.

Vëllezërit Ekonomi akuzohen për vrasje me dashje në bashkëpunim. Ngjarja ndodhi katër ditë më parë në qytetin e Durrësit, ku pronari i një dyqani ushqimor, shtetasi 58-vjeçar Agim Arapi vdiq pas një përleshjeje fizike me pronarët e një picerie që ndodhet pranë dyqanit të tij.