Maqedonia

Aleksovska: 10 mijë punësime të reja në vitin 2017 përmes masave dhe programeve qeveritare

Kompanitë gjithnjë e më shumë i shfrytëzojnë masat qeveritare për punësim, të cilat japin rezultate të mëdha. Për këtë flet edhe shkalla deri më tani më e vogël e papunësisë në Maqedoni 23,1 për qind, tha sot drejtoresha e Qendrës për Punësim në Shkup, Sllobodanka Aleksovska. Dhjetë viteve të fundit, theksoi shkalla e papunësisë është zvogëluar për 14 për qind, përcjell Telegrafi Maqedoni.

 “Madje edhe në kushte të krizës politike, papunësia vazhdimisht shënon rënie falë politikave dhe masave të krijuara mirë qeveritare”, theksoi Aleksovska në konferencën e përbashkët për shtyp në Lidhjeve e odave ekonomike (LOM) dhe shtoi se 10.000 punësime të reja të drejtpërdrejta janë parashikuar për këtë vit, por edhe të tjera indirekte përmes programeve tjera qeveritare, njofton AIM.

Firmat, nënvizoi, gjithnjë e më shumë i shfrytëzojnë masat sepse efektet janë evidente, ndërsa përmes tyre 43.000 persona janë punësuar nga viti 2007. Plani i sivjetshëm operativ përmban 23 programe dhe 11 lloje të shërbimeve. Momentalisht janë të hapura disa thirrje nga masat dhe programet aktive për punësim, për të cilat biznesi mund të informohet në zyrat rajonale të Agjencisë. Nga anëtarët e LOE, së paku 30 për qind me sukses i shfrytëzojnë masat qeveritare për punësim.

Related Articles

Leave a Reply

Your email address will not be published. Required fields are marked *

Back to top button