Koka: Meta, president i parë që të dekretojë kabinetin e parë të LSI

LSI nuk ka hequr dorë nga qëllimi për të dalë forcë e parë politike në zgjedhjet e 18 qershorit, pavarësisht se Ilir Meta hoqi dorë nga drejtimi i partisë.

Ministri i Mjedisit, Lefter Koka, i cili kryeson dhe listën e kandidatëve të LSI për qarkun e Durrësit, uron që Meta “të jetë presidenti i parë që të dekretojë kabinetin e parë të LSI-së”.

“Unë besoj se Meta ka shokë dhe unë jam një prej tyre që do të bëj që LSI të mbajë e të çojë më lart kontributin politik e shoqëror. Miqtë dhe mbështetësit e Ilir Metës sot janë edhe më shumë për të dhënë kontributin e tyre politik”.