Rajoni

Turqi, 15-vjeçarja përdhunohet nga dy kushërinj e mbetet shtatzënë. Familja e vret

foto-violenza-donne-300x225Hasreti ishte vetëm 15 vjeç kur u përdhunua nga dy kushërinj më të mëdhenj. Pastaj, kur mbeti shtatzënë, familja, për të shpëtuar nderin, e vrau.

Është historia e radhës që ka të bëjë me një krim për nderin. Ngjarja ka ndodhur në Turqinë e presidentit islamik, Rexhep Taip Erdogan, të cilin opozita e akuzon se nuk po bën shumë për të mbyllur një herë e përgjithnjë plagën e dhunës ndaj grave.

Ngjarja ka ndodhur në të vërtetë dy vjet më parë, por çështja u rishfaq ditët e fundit, falë rihapjes së hetimeve të gjykatësit të Batmanit, qytet në Detin e Zi, ku ndodhi dhe drama.

Pasi është përdhunuar nga dy kushërinj, Serhildan dhe Ozkan, shkruan gazeta “Hurriyet” on line, vajza mbeti shtatzënë, pa e ditur se cili ishte babai.

Atëherë, 12 anëtarët e familjes, mes të cilëve gjyshi dhe gjyshja e Hasretit, tre xhaxhallarët dhe dy kushërinj, u mblodhën dhe vendosën për ta vrarë për të fshirë “turpin”. Asnjë masë nuk u mor ndërkohë kundër dy përdhunuesve.

Njëri nga xhaxhallarët, Habipi, u ngarkua ta dërgojë vajzën në një gropë me rërë dhe ta mbyste, duke e lënë pastaj kufomën në vend.

“12 anëtarët e familjes tani janë të inkriminuar, – shpjegon gazeta tjetër turke “Sabah”, – për nxitje dhe planifikim të vrasjes së një gruaje për motive tribale”.

Të gjithë rrezikojnë burgim të përjetshëm. Sipas të dhënave nga Ministria e Drejtësisë së Ankarasë, në përgjigje të një interpelance të opozitës në Turqi, regjistrohen çdo muaj 650 raste abuzimesh me minorenë

Related Articles

Leave a Reply

Your email address will not be published. Required fields are marked *

Back to top button