Bota

FOKUS – Ekstremi i djathtë evropian i frenuar në zgjedhje

Disfata e Marine Le Pen në presidencialet franceze rrëzoi ambiciet e nacionalistëve për të përmbysur rendin në Evropë, por ky ekstrem i djathtë i frenuar në zgjedhje është pozicionuar në mënyrë të qëndrueshme në skenën e politikës evropiane.

Ekstremet e djathta evropiane ishin besimplotë për një seri suksesesh elektorale në 2017, nxitur nga vrulli i Brexit dhe zgjedhja e Donald Trump në Shtëpinë e Bardhë në SHBA.

Sipas teorisë së efektit ”domino” pritej të shënohej ardhja në pushtet me fitoren e përfaqësuesve të tyre në Austri, më pas në Holandë dhe në Francë, ku pësoi sërish një zhgënjim të dielën në mbrëmje me disfatën e Frontit Kombëtar përballë kandidatit të qendrës pro-evropianit Emmanuel Macron.

Lehtësimi ishte i dukshëm sot në mediat evropiane duke konstatuar ndjesinë e një ringjallje optimizmi, sipas së përditshmes britanike ”The Times”, ndërsa populizmi i Trumpit ceku pikën e tij më të lartë, me pozicionimin në vend të dytë të Partisë për Liri (PVV) të Geert Wilders në legjislativet holandeze në mars dhe disfatën e kandidatit të ekstremit të djathtë FPO në presidencialet austriake në muajin dhjetor

Related Articles

Leave a Reply

Your email address will not be published. Required fields are marked *

Back to top button