Home / Ekonomia / Lajmi i mirë i Veliajt: Ulet çmimi i biletave të autobusit për ish-komunat; i japim zgjidhje AMTP-ve

Lajmi i mirë i Veliajt: Ulet çmimi i biletave të autobusit për ish-komunat; i japim zgjidhje AMTP-ve

Sot nga Farka, kryebashkiaku Veliaj dha një lajm të mirë edhe për banorët që jetojnë në ish-komuna, të cilët përfitojnë nga ulja e çmimit të biletave të autobusit. Ai deklaroi se falë negociatave me kompanitë e transportit publik, është arritur ulja më e madhe e çmimit të biletave për qytetarët.

 “Ka qenë një kërkesë e vazhdueshme për të gjithë zonën lindore të Tiranës, duke filluar nga Kërraba, Baldushku, Bërzhita dhe stacionet që kalojnë në Farkë. Ne kemi pasur një takim dhe një negociatë që nuk ka qenë e lehtë, sepse siç e dini licencat e autobusëve janë dhënë nga ish-komunat, por megjithatë ne kemi bërë uljen më të madhe të tarifave që ka ndodhur ndonjëherë për linjat e autobusëve në fshat në Tiranën e madhe”, u shpreh ai.

 Gjithashtu, Veliaj premtoi se brenda dy viteve të ardhshme do të marrë fund edhe problemi i saktësimit të hartave të tokës.  “Unë e di që një nga problematikat kryesore ka qenë saktësimi i hartave të tokës dhe regjistrimi i akteve të marrjes së tokës në pronësi (AMTP). Fatmirësisht Prefekti, si ish-administrator njësie, e kupton fare mirë nevojën që kanë bashkia dhe prefektura për të bashkëpunuar për saktësimin e tokës dhe të kalojmë nga çudia me hartën e pronave, në një situatë ku secili merr aktin e marrjes së tokës në pronësi”, tha ai.

 Kreu i Bashkisë deklaroi se Bashkia do të vijojë edhe projektin mbjelljen e pemëve të reja në kuadër edhe të projektit për Pyllin Orbital. Duke u ndalur tek investimet, Veliaj deklaroi se Bashkia do të vijojë bashkëpunimin edhe me donatorët për të përmirësuar infrastrukturën. “Ne kemi pasur disa rikonstruksione me donacion, siç është “Shkolla e Mesme e Bashkuar”. Jo vetëm që rregulluam shkollën, por me kërkesë të prefektit që në atë kohë ishte administrator, i vumë emrin e partizanit dëshmor ‘Alush Bardhi’”, tha Veliaj, ndërsa shtoi se investimet do të prekin edhe rrugët, kanalizimet, ndërtimin e urave si dhe të qendrave komunitare.

Linjat, stacionet dhe çmimet e reja të biletave:

 Linja nr. 11 Tiranë – Krrabë -Tiranë me itinerar vajtje dhe kthim në stacione.

  

 Linja/Stacion                                                                                  Ishte/lekë           Bëhet/lekë

 Degëzimi i parë pranë xhamisë Krrabë                                               120                  100 

 Stacioni i dytë te lagjja “23 Shkurti”                                                  120                  100

 Stacioni i tretë te Përroi i Lerës                                                          120                  100

 Stacioni i katërt te Lapidari në Mushqeta                                            120                  100 

 Stacioni numër 5 te shkolla 9-vjeçare “14 nëntori”                              120                  100

 Stacioni numër 6 pranë Pusit të Veliut                                                120                  100

 Stacioni numër 7 te “Mjalti”,                                                              120                  100

 Stacioni numër 8 te Pallati i Beqarëve                                                 120                  100

 Stacioni i nëntë, tek “Kafja e Xhafës”                                                 100                   80

 Stacioni i dhjetë, tek lagjja “Magrip”,                                                 100                    80

 Stacioni i njëmbëdhjetë te “Guri i Xhepit”                                          100                    80

 Stacioni te lagjia e “Banarakëve”                                                       100                    80

 Stacioni te rrethrrotullimi në Ibë                                                        100                    80

 Stacioni i katërmbëdhjetë te “Ulliri”                                                  100                    80

 Stacioni Qendrës Shëndetësore                                                          100                    80

 Stacioni në Njësinë Administrative Bërzhitë                                      100                    80

 Stacioni tjetër tek lagjja e Gjyzarakëve                                              100                    80

 Stacioni te lapidari në Dobresh                                                          100                    80

 Stacioni te lapidari i Mulletit dhe te posta                                          100                    80

 Stacioni pranë resort “Herës” dhe karburant “Api”,                            100                    80

 Stacioni 27 tek Ura e Farkës                                                               70                     40

 Stacioni nr. 28 tek servis “Mondial”                                                   50                     40

 Stacioni te hotel “Eklipsi”                                                                  50                     40

  Degëzimi i dytë, nga qendra e fshatit Skuterrë në Krrabë,                  120                  100

 Nga kinemaja e vjetër në Krrabë                                                       120                  100

 Nga xhamia në Krrabë                                                                      120                  100 

 Linja 13 është Tiranë-Baldushk-Tiranë

 Stacioni i Veskisë                                                                             120                  100

 Stacioni i fshatit “Koçaj”                                                                   120                  100

 Stacioni i tretë në Mustafa Koç                                                          120                  100

 Stacioni i katërt në Isuf Koç                                                               120                  100

 Stacioni tek Kthesa e Baldushkut në Fushaz                                      100                   80

 Stacioni në fshatin Vishaj                                                                   70                     40

 Stacioni tek ura e Farkës                                                                     70                    40

 Stacioni tek servis “Mondial”                                                              70                    40

 Stacioni tek hotel “Eklipsi”                                                                 70                    40

 Stacioni tek restorant “Natyra e Qetë”                                                  50                   40

  Degëzimi i dytë i Baldushkut i fshatit Kakunjë

 Stacioni numër tre Mustafa Koç për Kakunjë                                       120                 100

Leave a Reply

%d bloggers like this: