Arabia Saudite parandalon sulmin në Mekë
Arabia Saudite thotë se ka zbuluar planet për një sulm terrorist në xhaminë e madhe në Mekë, vendin e shenjtë islam.
Një kamikaz hodhi veten në erë kur forcat e sigurisë rrethuan ndërtesën në të cilën ai ndodhej.
I dyshuari kishte refuzuar të dorëzohej, kishte hapur zjarr mbi forcat e sigurise dhe më pas kish vrarë veten. Ndërtesa u shemb duke lënduar 11 persona, përfshirë edhe oficerë policie.
Pesë militantë të tjerë të dyshuar, mes të cilëve një grua, janë arrestuar – thanë zyrtarët. Ministria e brendshme saudite, thotë se tre drupe, dy më bazë në Mekë dhe një në Xhedah, kishin planifikuar sulmin.
Miliona myslimanë nga e gjithë bota janë mbledhur në mekë për ti dhënë fund atje ramazanit. Besimtarët myslimanë luten në qabe në xhaminë e madhe në mekë.
Xhamia e madhe apo Masxhid Al Haram, është më e madhja në botë dhe rrethon vendin e shenjtë islam, qabenë, një ndërtim në formë kubi rreth të cilit ecin besimtarët gjatë Haxhit, pelegrinazhit të përvitshëm që sjell miliona njerëz në Mekë.
Arabia Saudite ka parë vitet e fundit një numër sulmesh vdekjeprurëse, shumë nga të cilët janë marrë përsipër nga i ashtuquajturi Shteti Islamik.
Shumë agresorë kanë marrë në shënjestër minoritetin shiit të vendit dhe forcat e sigurisë.
Në korrik 2016, katër oficerë policie u vranë në një sulm kamikaz në afërsi të xhamisë së profetit në medinë. Arabia Saudite ndërkohë është anëtare e koalicionit që udhëhiqet nga shtetet e bashkuara dhe që po lufton shtetin islamik dhe grupet e tjera xhihadiste në Siri dhe Irak.
