Emrat/ Shqiptari dhe e dashura e tij kapen me kokainë

Një çift është arrestuar nga policia pasi u kap me një sasi të konsiderueshme kokaine dhe shuma të mëdha parash.

Ata u kapën në Firence të Italisë me 2 kilogramë kokainë. Mediat italiane raportojnë se shqiptari është Leonard Gjoka 32 vjeç dhe e dashura e tij rumune, Florina Catalina Ancuta 25 vjeç.

Policia kishte marrë informacion për një sasi kokaine që do të posedohej nga shqiptari dhe italiani.

Autoritetet kontrolluan banesën e tyre në Loniga dhe nuk gjetën lëndë narkotike.

Hetuesit më pas kontrolluan automjetin e tyre dhe zbuluan kokainën të fshehur në një vend të modifikuar enkas në automjet. Përpos sasisë prej 2 kg kokainë, policia gjeti edhe një shumë parash prej 70 mijë Euro.

Gjoka dhe Ancuta u arrestuan dhe do të merren në pyetje për të zbuluar personat e tjerë të përfshirë në këtë veprimtari kriminale.