Detaje/ Tragjedia, 3 javë para dasmës së vajzës, sherri për një mur betoni
Pak orë pasi një 21-vjeçar qëlloi me armën e shërbimit mbi të atin polic, mësohet se shkak për krimin e rëndë është bërë një konflikt mes të dyve.
Mësohet se babai ka kërkuar që të ndërtohet një mur betoni në oborrin e shtëpisë, por në sherr e sipër djali ka marrë armën e të atit dhe ka qëlluar 62-vjeçarin duke e lënë të vdekur.
Konflikti mes babë e bir ka qënë me tone të larta.
Fqinjët e përshkruajnë familjen një familje të qetë dhe se i riu nuk ka qënë problematik.
I riu vazhdonte Universitetin dhe kishte një vit që kishte ardhur nga Gjermania.
Sipas të dhënave mësohet se ngjarja ka ndodhur në oborrin e shtëpisë ndërsa trupi i pajetë i policit u gjet në ambientet e jashtme në oborr.
Fqinjët shprehen se 21-vjecari pasi kreu vrasjen doli në rrugë me pistoletë në dorë dhe thirri komshinjtë që të lajmëronin ambulancën.
Më pas ai mori makinën e babait për të transportuar nënën në spital.
Tragjedia një javë para martesës së vajzës
Familja Metallari ka edhe dy vajza të tjera dhe tragjedia e kësaj të diele ka ndodhur vetëm një javë para se të martonin njërën prej tyre .
