Qeveritare

Kodheli: Shqipëria vlerëson punën e Maqedonisë për reformat në fushën e mbrojtjes

Ministrja e Mbrojtjes, Mimi Kodheli, priti sot në një takim ministren e Mbrojtjes të Republikes së Maqedonisë, Radmilla Shekerinska-Jankovska, në të parën vizitë zyrtare jashtë vendit të kësaj të fundit.

Në takimin me homologen e saj maqedonase, ministrja Kodheli theksoi se marrëdhëniet dypalëshe midis vendeve fqinje janë të një niveli të kënaqshëm, por ka gjithmonë potencial për më mirë, sidomos në fushën e sigurisë dhe të mbrojtjes.

Më tej, ministrja Kodheli shtoi se shteti shqiptar vlerëson dhe nxit përpjekjet dhe punën e Maqedonisë për reformat në fushën e mbrojtjes dhe vlerëson përpjekjet e Maqedonisë për t’iu bashkuar Aleancës. Ministja e Mbrojtjes ritheksoi edhe njëherë mbështetjen që vendi ynë i jep Maqedonisë në rrugën integruese drejt NATO-s.

Nga ana e saj, ministrja e Mbrojtjes e Maqedonisë, Radmilla Shkerinska-Jankovska, ka falenderuar ministren Kodheli për bashkëpunimin, duke i vënë theks të veçantë përkrahjes që shteti shqiptar i ka dhënë atij maqedonas në procesin e antarësimit në NATO.

Related Articles

Leave a Reply

Your email address will not be published. Required fields are marked *

Back to top button