Kronika

Prokuroria merr sot në pyetje Elivar Golemin

prokuroria-e-tiranes-466x350Prokuroria e Tiranës do të marrë sot në pyetje Kryeinspektoren e Bankës së Shqipërisë, Elivar Golemin, e cila akuzohet për shpërdorim detyre në hetimin që organi akuzës ka ngritur për vjedhjen e 713 milionë lekëve nga BSH.

Burime pranë hetuesisë së kryeqytetit bëjnë të ditur se Golemi do të merret në pyetje në qelinë e saj, nga burgu ku ajo vuan dënimin, pasi kujtojmë ditën e hënë kryeinspektoria nuk përfitojë lehtësim të masës së sigurisë në gjykatën e Apelit. “Unë i kam kryer të gjitha detyrimet e mia ligjore dhe qendrimi im në burg është jo në përputhje me ligjin. Unë nuk cënoj hetimin, nuk kam dhënë asnjëherë motiv për t’u besuar kjo tezë”, tha Golemi para trupit gjyqësor të gjykatës së apelit ditën e hënë teksa kërkojë ndryshimin e masë së sigurisë, por në seancën e 15-shtatorit Gjykata nuk pranoi kërkesën e saj, duke lënë në fuqi vendimin e gjykatës së shkallës së parë, “Arrest me burg”. Kjo është hera e parë që Golemi merret në pyetje nga prokuroria në kuadër të hetimeve për vjedhjen e 713 milionë lekëve.

Elivar Golemi e arrestuar mbrëmjen e 5 shtatorit për shpërdorim detyre, ashtu si dhe Guvernatori i BSH-së, Adrian Fullani, ka bërë të ditur se do të çojë rekurs në gjykatën e lartë.

Related Articles

Leave a Reply

Your email address will not be published. Required fields are marked *

Back to top button