Europa

LONDËR – Vazhdojnë ndarjet brenda qeverisë për çështjen e Brexit

Ndarjet vazhdojnë të mbretërojë brenda qeverisë britanike për çështjen e Brexit ndërkohë që ministri i Tregtisë Ndërkombëtare hodhi sot poshtë nevojën për një periudhë tranzicioni post-Brexit mbështetur nga ministri i Financave.

Në një intervistë për “Sunday Times”, ministri i Tregtisë Liam Fox deklaroi se nuk ka marrë pjesë në të tilla diskutime edhe pse tashmë ato janë zhvilluar, për çështjen e një periudhe të mundshme tranzicioni tre-vjeçar pas daljes së Britanisë së Madhe nga Bashkimi Evropian, parashikuar në muajin mars 2019.

Ministri i Financave, Finances Philip Hammond kishte këmbëngulur mbi faktin se kishte një konsensus të gjerë brenda qeverisë për të zbutur efektet e Brexit dhe për të shmangur për britanikët një shkëputje brutale të nesërmen e Brexit.

Hammond shtoi se për këtë arsye, shtrëngimet e mundshme për imigracionin, “kali i betejës” për mbështetësit e Brexit, nuk do të zbatohen menjëherë dhe se parimi për qarkullimin e lirë të personave do të mbahet për tre vite pas konkretizimit të Brexit.

Liam Fox replikoi sot duke konfirmuar se kjo perspektivë binte ndesh me rezultatin e referendumit të 23 qershorit 2016 gjatë të cilit 52 për qind e britanikëve u shprehën për divorcin me BE-në.

“Ne kemi qenë të qartë, rigjetja e kontrollit të kufijve tanë ishte një prej prioriteteve tona”, nënvizoi ai.

Ministri i Tregtisë Ndërkombëtare mori mbështetjen e ish-sekretarit të Shtetit për Brexit, David Jones, i cili e ka cilësuar një periudhë të mundshme tranzicioni si shumë të rrezikshme.

Ai akuzoi Hammond për manovrime në një kohë që kryeministrja britanike, Theresa May ndodhet me pushime në Itali.

Related Articles

Leave a Reply

Your email address will not be published. Required fields are marked *

Back to top button