Home / Nga Facebook / Arben Duka:Kot e paskemi votuar PS, kur situata qenka katastrofike!

Arben Duka:Kot e paskemi votuar PS, kur situata qenka katastrofike!

Në pikun e vapës,
Njeriu i Gjatë,
po na bën kërdinë,
mbi administratë!

Duket se po ndodh,
çudi e çudive,
kur po imponon,
dorëheqje masive!

Nëse kohë përpara,
qe bërë deti kos,
gjithë vendi po futet,
tani-në kaos!

Rama s’po i ndan,
tonet dramatike,
se gjendja qenka,
krejt katastrofike!

S’e kuptoj përse,
Rama fitoi zgjedhjet,
gjersa janë shtuar,
zhvatjet edhe vjedhjet?!

Po shkojnë kovë pusi,
të liqtë e të mirët,
a ka ndonjë ligj,
që i mbron fakirët!

Përmbi kasaphanën,
që po ndodh në verë,
shërbimi civil,
a ka ndonjë vlerë?!

Ç’është gjithë kjo ngutje,
o kryeministër,
që ke marrë revanin,
si kalë pa kapistër?!

Po duhet që Ramës,
dikush t’i thotë:”Ndal!.”,
që të heqi dorë,
nga gjithë ky skandal!

Gjithë administrata,
panik edhe frikë,
me tone funebre,
vjen gjithë kjo muzikë!

Vërtet po jetojmë,
një kohë shumë të keqe,
gjersa që të gjithë,
po rrinë lepe-peqe!

Mirë Erdoganit,
ju bë një grusht shteti,
“udhëheqësin” tonë,
ç’vetëtimë e gjeti?!

Me këto që shkruaj,
mos ju vijë çudi,
se këtu po ndodh,
m’u si në Turqi!

Dhe nuk reziston,
as edhe një burrë,
njëlloj si të ishim,
në një diktaturë!

Kur kemi një shtet,
kaq të degraduar,
fare kot PS-në,
e kemi votuar!

Kot kemi votuar,
për Mandat të Dytë,
sepse Rama vetes,
keq po ja nxjerr sytë!

Kundër diktaturës,
njerëz rezistoni,
për të dhënë dorëheqjen,
mos u impononi!

Për të dhënë dorëheqjen,
mos u impononi,
sepse mbas kësaj,
dot asgjë s’kërkoni!

Gjersa sindikata,
këtu s’ekziston,
po s’u mbrojtët vetë,
nuk ka kush u mbron!

Rama po ju fton,
në një harakir,
dhe ju bëri tok,
të liq e të mirë!

ARBEN DUKA

Leave a Reply

%d bloggers like this: