Home / Kronika / Sociale / Në 1 shtator çelen regjistrimet në kopshte

Në 1 shtator çelen regjistrimet në kopshte

Regjistrimet në kopshtet dhe në çerdhe do të nisin më 1 shtator, dhe kryebashkiaku Veliaj theksoi se këtë herë do të merren parasysh nevojat ekonomike të familjeve.

“Dua të ftoj të gjithë banorët e njësisë 7, në datën 1 shtator do të hapim regjistrimet. Kemi shumë kërkesa, ndaj sigurisht që do kemi parasysh edhe nevojat ekonomike që kanë familjet dhe nevojat që ka lagjja për shërbim. Do të shtojmë edhe stafet në çerdhe e kopshte, për t’u siguruar që kemi sa më shumë edukatorë me sa më pak fëmijë, që secili prej tyre të marrë vëmendje maksimale. Ndihem i lumtur sot, që në Tiranë ndoshta shumë gjëra nuk i kemi ende perfekt, por një nga gjërat që besoj për të cilat jemi të gjithë krenarë, është që niveli i çerdheve e i kopshteve të Tiranës, ku padyshim kanë standarde evropiane”, tha kreu i Bashkisë, ndërsa bëri të ditur se faza tjetër do të fokusohet tek përmirësimi i infrastrukturës së nevojshme për shkollat.

Kopshti nr. 17 në kryeqytet ka përfunduar rikonstruksionin dhe kryebashkiaku Veliaj tha se ato kanë standarde evropaiane. E veçanta e rikonstruksionit të këtij kosphti është se u zbatua projekti pilot me të rinjtë që vuajnë denimin dhe që kanë kontribuar me realizimin e mobiljeve.

“Më vjen mirë që sot jemi bërë kaq shumë për të lënë një gjurmë në rritjen e 120 fëmijëve në Njësinë 7, me një kopësht totalisht të ri, për të cilin nuk do të mjaftonte as një libër për të treguar të gjitha peripecitë, derisa kemi mbërritur këtu. Shumë njerëz shohin gjëra të bukura dhe s’e kuptojnë që vetëm me shpronësime, kontrata, gjyqe, apelime, sa mund duhet për të mbërritur në këtë produkt. Megjithatë, rëndësi ka fundi dhe çdo peripeci ia ka vlejtur kur produkti është kaq i bukur”, theksoi Veliaj.

Leave a Reply

%d bloggers like this: