Bota

Poroshenko i kërkon Otavas mbështeje për t’iu afruar NATO-s

bb10Presidenti ukrainas Petro Poroshenko i kërkoi dje në mbrëmje Kanadasë ta ndihmojë në krijimin e lidhjeve të forta me NATO-n.

Një ditë para vizitës së tij në SHBA gjatë së cilës Poroshenko do të përpiqet të marrë një status special prej aleati jo anëtar i Organizatës së Atlantikut, presidenti ukrainas u duartrokit për një kohë të gjatë nga deputetët dhe senatorët, një nder shumë i rallë për një shef qeverie në vizitë në Kanada.

Kanadaja është një aleate e sigurt për Kievin në krizën me Rusinë, me një diasporë prej më shumë se një milionë persona me origjinë ukrainase.

“Në mbledhjen e NATO-s në shtator, shpalla vullnetin e vendit tim që të afrohet me NATO-n dhe për marrjen e një statusi prej aleati jo anëtar i Aleancës, Deklaroi Petro Poroshenko para parlamentit në Otava.

“Shpresoj shumë në mbështetjen tuaj për të marrë këtë status”, shtoi ai.

Me një status të tillë pranë NATO-s, Ukraina mund të përfitojë nga livrimi i disa lloje armësh dhe nga shkëmbimi i informacioneve.

Related Articles

Leave a Reply

Your email address will not be published. Required fields are marked *

Back to top button